بدرية طلبة تحدث ضجة بمواقع التواصل الاجتماعي بعد ادعائها وفاة شقيقها وهو يرد: مليش اخوات.. ما الحكاية؟

حالة من الجدل الواسع أحدثتها الفنانة بدرية طلبة خلال الساعات الأخيرة بمواقع التواصل الاجتماعي، عقب نشرها تدوينة تهنىء فيها ابنة شقيقها الراحل بعقد قرانها، ليظهر بعدها أخوها في منشور على صفحته الشخصية، مؤكدًا أنه على قيد الحياة، ومتبرئًا منها ومن ابنته.

وكانت بدرية قد نشرت صورة تجمعها بابنة شقيقها على حسابها الرسمي على "فيسبوك" وعلقت قائلة: "كبرتى يا قلب عمتو بنت أخويا رحمة الله عليه، وكتب كتابها النهاردة، ربنا يخليلك أعمامك وخلانك الرجالة المحترمين سندك وضهرك ويرحم أبوكى برحمته الواسعة، ادعوا لمريم ربنا يتمم لها فرحتها وأشوفها أسعد البنات فى بيتها الزفاف 4-9 وعقبال عندكم".



ولم يمر وقت طويل حتى قام وليد طلبة شقيق بدرية بالرد عليها قائلًا: "يا جماعة الفنانة بدرية اللي كانت المفروض أختى، منزلة نعي عني أني توفيت والمفروض اللي في النص دي كانت بنتي، وعشان رفضت أروح كتب كتابها النهاردة طلعوا عليا شائعة الموت، بجد حسبي الله ونعم الوكيل فيكم، أنتوا كلكم ميتين بالنسبالي من سنتين لما سبتوا البيت ونزلتوا الساعة 2 بالليل".

وأضاف: "جايين دلوقتي تحتاجولي فى كتب الكتاب، أنا يا جماعة ماليش عيال، وعيال مين اللي يعلقوا على شائعة على أبوهم إنه مات والله يرحمه وأنا على وش الدنيا، عيال مين اللى أروحلهم تاني، أنا خلاص ماليش ولا عيال ولا أهل وأخوات".

وتابع: "وأنت يا فنانة بدرية ميتة بالنسبالي من زمان، وإن شاء الله اللي قولتيه عليا بالكدب هيتقال على جوزك يوم فرح بنتك بالصدق إن شاء الله، وانتظروا مني أحلى مفاجآت ليكم ياللي المفروض كلكم أخواتي ومن بطن واحدة، انتظروا مني أحلى مفاجآت للكل وأنتوا اللي بدأتوا الحرب معايا، بالله عليكم يا جماعة أنا عاوز البوست ده يتشير كتير عشان أثبت كذب الفنانة، وأنا هطلع لايف بصوتي عشان تتأكدوا إني مش بكدب، وهطلع معايا مفاجآت هتعجبكم أوي".



لتقوم الفنانة بدرية طلبة بعد ذلك بتعديل المنشور الخاص بها، حيث قامت بمسح الجزء الخاص بوفاة شقيقها والد العروس.


وبعد الهجوم عليها من متابعيها ردت بدرية طلبة قائلة: "الخبر اللي بينزل عن الفنان حتى لو ضده فاسبحان الله بردو بيكون لصالحه، وخصوصًا لما يكون سمعته طيبة ومحبوب، فمش كل اللي بيستعين بالصحافة فى تشويه فنان بينجح لأن الفنان لو رد وحكى هيتصدق، وخصوصًا لما تكون الحكايات مشوقة وبالدليل وكلها بلاوي وفيها ست سيئة السمعة وفيها فتح أدراج وفيها مهازل، خلي الطابق مستور ومتفرحوش بالحكاوي، ربنا ستركم بلاش تخلو الرد يفضحكم وربنا يهدي".

موضوعات متعلقة:

التعليق الأول من بدرية طلبة على خلافها مع شقيقها بعد ادعاء وفاته!

هجوم شديد على الفنانة بدرية طلبة بسبب هذا التصرف!

خطوبة ابنة الفنانة بدرية طلبة شاهد احتفال عائلتي العروسة والعريس بالفيديو

بدرية طلبة عن برنامج رامز جلال لا بنروح نهين نفسنا علشان الفلوس ولا بناخد ملايين وسبب ارتدائها البنطلون