أسما شريف منير توضح رأيها في زوجة أبيها لأول مرة.. كلام مفاجئ

بواسطه روضة إبراهيم الخميس , 22 أكتوبر 2020 ,12:28 م

أسما شريف منير توضح رأيها في زوجة أبيها لأول مرة.. كلام مفاجئ


كشفت أسما شريف منير، ابنة الفنان الشهير، لأول مرة عن علاقتها بزوجة أبيها الفنانة المعتزلة لورا، وذلك عبر حسابها الشخصي على موقع الصور الشهير "إنستجرام".

حيث كتبت أسما شريف منير مُتحدثة عن زوجة أبيها لأولة مرة، قائلة: "الست الجميلة اللي في الصورة دي هي لورا مرات أبويا، إيه ده؟ هو في مرات أب حلوة كده؟ أومال فين الحوافر والعيون الشريرة؟ مش مرات أب؟ يبقى أكيد لازم تكون شريرة وبتعذب الولاد وبتشغلنا في البيت هههه".

وأضافت: "ده اللي المجتمع والأفلام دايمًا بيصدروا بس الحقيقة إن الست دي من أطيب وأجمل وأجدع الستات اللي في الدنيا، عمرنا ما اتخانقنا يمكن اختلفنا مرة بس عمرها ما اتعدت على حقوقنا ولا التزمات أبويا لينا، أم اخواتي أو بناتي عشان هما صغنانين، هي عيلتي وحبيبتي، لما بزعل مع أبويا بتقف جنبي حتى لو هيتخانق معاها، أنا وهي أصلاً شخصيتنا قريبة من بعض بتفهمني وبتحس بيا".

وتابعت: "أنا عمري ما اتكلمت عنها عشان هي بعدت عن الأضواء من زمان، بس حسيت إني لازم أقول لها إني بحبها وبحترمها وأديها حقها، وعشان أقول لاأي ست لو انتِ مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك فوق رأسه".

واختتمت كلامها عن زوجة ابيها، الفنانة المعتزلة: "بحبك يا لولو أوي وربنا يخلينا لبعض كلنا ديمًا، وشكرًا علي كل حاجة حلوة عملتيها لي، آه وبالمناسبة هي بتعمل أفكار حلوة أوي على الإنستجرام تابعوها".

أسما شريف منير توضح رأيها في زوجة أبيها لأول مرة

 

موضوعات متعلقة:

أسما شريف منير تهاجم كاشف أسرار عمرو دياب ودينا الشربيني

أسما شريف منير تقاضي أحد متابعيها لهذا السبب!

أسما شريف منير تكشف عن السبب الذي دفعها لمحاولة الانتحار

أسما شريف منير تحذف جميع صور محمود حجازي من إنستجرام هل انفصلا؟


قولى رأيك

تابعنا علي فيسبوك