عمرو يوسف يعلق على أزمة ياسمين عبد العزيز وشقيقها بهذه الطريقة.. ماذا قال؟

بواسطه روضة إبراهيم | الخميس , 26 مارس 2020 ,12:08 م

عمرو يوسف يعلق على أزمة ياسمين عبد العزيز وشقيقها بهذه الطريقة ماذا قال


حل الفنان عمرو يوسف ضيف في أحد البرامج التلفزيونية، وخلال الحوار علق على عدد من القضايا التي ذاع صيتها في وسائل التواصل الاجتماعي، وبينها أزمة وقف شيرين عبد الوهاب عن الغناء، وكذلك أزمة ياسمين عبد العزيز وشقيقها وائل الذي هاجمها وقام بكشف علاقتها مع الفنان أحمد العوضي.

وعلق عمرو يوسف على أزمة ياسمين وشقيقها، قائلًا: "الله أعلم باللي جوه الناس لأن طبعًا احنا بنكون شايفين الحاجات من برا، لكن الطريقة اللي استخدمها شقيقها مكانتش مظبوطة، ومينفعش كان يتداول الأمور دي على السوشيال ميديا بالطريقة دي، ماينفعش مايصحش".

وكان وائل عبد العزيز، قد هاجم شقيقته النجمة ياسمين، في الفترة الأخيرة، بسبب علاقتها بالفنان أحمد العوضي، وذلك عبر حسابه الشخصي على موقع التواصل الاجتماعي "فيس بوك"، قائلًا: "وقفت جمبك بكل ما أملك من قوة أدافع عنك فى كل موقف صعب مر عليكِ ونسيت حياتي ونفسي عشانك وبقى كل همي أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من امتى واحنا بنعمل أعياد ميلاد وتنزل على السوشيال ميديا، من امتى الناس بتجيب فى سيرتنا؟ ونقعد نتعاكس على السوشيال ميديا؟".

وتابع: "ومع ذلك حياتك وأنت حرة فيها، أنا هتكلم على الشق اللى يخصني، أنت مقاطعة كل العيلة عشان تعملى اللى على مزاجك، احنا دلوقتى وعايزين نفهم العلاقة دي إيه ورايحة على فين".

واختتم حديثه: "أما بالنسبة للأخ اللي ماشى وراكي فى كل حتة وشايفك البيضة الدهب اللي هتفقسله كل يوم، أحب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت !!، دى الأصول وده الاحترام، وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال اللي أنت سالكه من سنين مع بنات الناس !!، انا من رأيي كفاية عليك البطوله الى أخدتها والعربيه المرسيدس الهدية، وتركز فى شغلك وتسيبنا فى حالنا لان طول عمرنا فى حالنا ومحدش سامع عننا حاجه وملوش لازمة جو الصور والمعاكسات ده وأنا مبخفش من تهديد حد".

وائل عبد العزيز يهاجم شقيقته ياسمين عبد العزيز

وبعدها هاجمه الفنان أحمد العوضي بكلمات قاسية، ثم قام بحذف المنشور، واعترف رسميًا بحبه لياسمين عبد العزيز، قائلًا: "بحبك يا ياسمين"، ولتقوم هي أيضًا بالرد أمام الجميع كاشفة عن حبها، قائلة: "بحبك يا أحمد"، ونشرا صورة تجمعهما معًا.

ثم قام شقيق ياسمين عبد العزيز، بالظهور في مقطع فيديو ووجه رسالة إلى شقيقته، قائلًا: "رسالة مني يا ياسمين يا حبيبتي ربنا ينجحك ويوفقك في حياتك أنا يمكن اتكلمت بشكل يضايق أنا آسف، ‏بس كنت عايز اعرف طبيعة العلاقة دي إيه بس، أنا كنت شايفك تحت وربنا فوق، فأنا من النهاردة اعتبريني بره حياتك تماما ومش ‏عايز حاجة منك أنتِ حرة في حياتك ومستقبلك بس أنا خلاص مش قادر أعيش حروب تانية أنا تعبت، ربنا يوفقك".‏

وبعدها بأيام هاجمها من جديد، كاشفًا تفاصيل جديدة في علاقتها بأحمد العوضي، قائلًا: "بص يا بني أنا لما فاض بيا أخر مرة بعتلك رديت علّيا وشتمت فيا وفي عيلتي، الغلط مش عليك الغلط على اللي سابتك تغلط في أهلها كلهم، وإللي يسمح لحد يغلط في أهله يسمح بأي حاجة تاني تحصلهم".

وتابع: "أنا عايز أعرف دلوقتي إنتوا إزاي عايشين مع بعض في البيت والشغل بدون صفة، ولو في صفة محدش صرح بيها ليه!!، أنا بردو اللي بعمل فضايح وهي دي الأصول!! ماتعلنوا جوازكم".

واختتم وائل حديثه: "طيب قسمًا بالله أنا مش هسيب حقي وسمعتي وسمعة أهلي إلا لما الأمور تتحط في نصابها الصحيح.. واللي هيغلط فيا زي الناس اللي فاتت من الزملاء المطبلتية أنا هاخد حقي بالقانون، وأخيرًا للناس المحترمة لو ليك أخت حط نفسك مكاني ؟!".

وائل عبد العزيز يهاجم شقيقته ياسمين عبد العزيز

يذكر أن خبر ارتباط أحمد العوضي بياسمين عبد العزيز كان قد انتشر بعد نشره لعدد من الصور في عيد ميلادها الـ40، عبر حسابه على موقع "إنستجرام"، وعلق قائلًا: "عيد ميلاد سعيد يا ياسمين" ووضع قلوب حمراء، وظهر الثنائي في الصور بحميمية جعلت الجمهور يتساءل عن طبيعة العلاقة بينهما ووجود قصة حب تجمعهما من عدمه.

ومن ناحية أخرى، ينشغل الفنان عمرو يوسف هذه الفترة في تصوير مسلسله الجديد "سيف الله"، والذي يعود به إلى الدراما من جديد، ويجسد من خلاله شخصية خالد بن الوليد ولكن العمل لن يعرض ضمن سباق الدراما الرمضانية المقبل.

 

موضوعات متعلقة:

أحمد العوضي يتغزل في ياسمين عبد العزيز أثناء ممارستها الرياضة والجمهور ينتقد أسلوبه

تعرف على شبيهة ياسمين عبد العزيز في تيك توك لن تصدق مدى الشبه!

شقيق ياسمين عبد العزيز يكشف تفاصيل جديدة عن علاقتها بأحمد العوضي ازاي عايشين مع بعض في بيت واحد!

شقيق ياسمين عبد العزيز يواصل استفزازها ماذا فعل مع ريهام حجاج؟


قولى رأيك

تابعنا علي فيسبوك