نزار الفارس يكشف حقيقة ما تم تداوله من أخبار تفيد بإرتباطه بالفنانة حورية فرغلي..وشاهد عيان يكشف الحقيقة!

كشف الاعلامي نزار الفارس حقيقة الاخبار المتداولة حول ارتباطه بالفنانة حورية فرغلي، كما رد على الاتهامات التي وجهتها الفنانة له وذلك عبر حسابه الشخصي على موقع التواصل الاجتماعي "انستجرام" قائلا: "اللي حصل أننا كنا في البرنامج وحورية كانت بتقولي أنا كبرت في السن وعمليات التجميل وده كله مش هتخلي حد يحبني ويتجوزني ومستعد أتجوز مرة تانية، فقولتلها لا طبعاً لو عرضت عليكي الجواز دلوقتي على الهواء تقبلي تتجوزيني، فرحت جداً وقالت موافقة وقمنا رقصنا سوا وكنا المفروض هتتقابل تاني".

وتابع: "استغربت أما حورية فرغلي فطلعت قالت أن خطوبتنا مش حقيقي واستغلني.. هي كانت منكسرة وبتقول محدش راضي يتجوزني قولتلها أنت فنانة جميلة وأنا عراقي وبطلب إيديك على الهواء ووافقت وقومنا رقصنا واتصورنا وكانت فرحانة وسعيدة".

كما أكد حسام مجدي معد برنامج الاعلامي نزار الفارس أن الأمر لا يتعدى الدعابة أو الهزار قائلا: "طيب ياجماعة علشان الموضوع فجأة بقى منتشر في مصر كلها.. الإعلامي نزار الفارس كلمني علشان أعمله الإعداد الخاص بحلقة حورية فرغلي.. اتفقت معاها وكانت لطيفة جداً.. صورنا الحلقة في بيتها..واحنا في البلكونة نزار قالها انتي مرتبطة قالتله لأ.. قالها طيب ايه رأيك فيا..أنا يشرفني أخطبك وحورية ضحكت وقالت أنا موافقة.. أثناء التصوير رجع تاني قالها ممكن نرقص مع بعض ورقصوا..وبعدين قعدوا يسمعوا قرآن علشان هي بتقول إنها خايفة من الحاجات اللي بتحصل في شقتها.. فجأة لقيت السوشيال ميديا كلها بتتكلم عن خطوبة نزار وحورية.. الموضوع من أوله لآخره كان هزار..مش عارف مين عمل كده".

يذكر أن الفنانة حورية فرغلي كانت قد كذبت ادعاءات الاعلامي نزار فارس بشأن خطبتها قائلة: "أنا بجد بقيت أخاف من الناس فعلاً، البرنامج ده بيكلموني من أسبوع وبيقولوا أستاذ نزار عايز يقعد معايا وكنت أول مرة في حياتي أشوفه امبارح وفتحت لهم بيتي والمصورين والإضاءة والصوت، أنا قاعدة مع مامتي وأول ما دخل قعد قالي إنتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من أول ما دخل بيصور فيديوهات بالموبايل".

وتابعت: "كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده".

وأضافت: "لو اتجوزت مصر كلها هتعرف عشان هبقى فخورة وأنا مش هتجوز دلوقتي ولا في حد في حياتي، يعني ايه تعمل كده مش من حقك تقول طب اسإلني تتجوزني ولا وتروح تكتب في كل المواقع أنا اتجوزت حورية فرغلي".

موضوعات متعلقة:

حورية فرغلي تكشف عن صورتها قبل عمليات التجميل هل اختلفت كثيرًا؟

هذا العمل يعيد حورية فرغلي للتمثيل بعد عمليات أنفها وحقيقة إجرائها عمليات آخرى!

حورية فرغلي في لايف على الفيسبوك تكشف فيه العديد من المفاجآت بعد العملية!

حورية فرغلي تكشف عن تكلفة عمليات اصلاح أنفها مبلغ ضخم!