بسمة بوسيل تكشف السبب الحقيقي وراء طلاقها..وما علاقة مديرة أعماله بالأمر!

نشرت بسمة بوسيل زوجة الفنان تامر حسني السابقة صورة لزوجها من حفل زفاف مديرة أعماله هالة عمر على حسابها الشخصي على موقع التواصل الاجتماعي "انستجرام" وعلقت على الصورة قائلة: "حسبي الله ونِعم الوكيل فيكي يا هالة".

وأضافت: "كانت سبباً في خراب البيت... احترام العشرة بيبتدي باحترام مشاعر غيرك... بالذات لو حد كان سبب رئيسي في خراب بيتك وهدم حياة ولادك".

يذكر أن الفنان تامر حسني كان قد نشر فيديو عبر حسابه الشخصي على "إنستجرام" من حفل زفاف مديرة أعماله، وعلّق على الفيديو قائلاً: "لكل اللي بيسأل عن وجة القرابة بيني وبين العروسة الجميلة دي، شايف أسئلة كتير أنا هحكيلكوا، هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة ردّيت عليها شكرتها".

وأضاف: "لما سافرت إسكندرية في الوقت ده لقيت بنت صغيرة أوي بتعيط وبتجري عليا فوقفتلها وفكّرتني بنفسها وفضلت تعيط وتقولي إحنا معاك ولازم تكمل، عشان كنت بتحارب جداً في بداياتي فاتصدمت إن اللي بتقول كده بنت صغيرة كده والمجهود ده كله اللي عاملاه بنت صغيره عندها 14 سنة. وقتها كانت السوشيال ميديا لسة بتطلع... وكنا في شركتنا بندوّر على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها... فضلوا يقنعوني إن كده مش صح ولازم أكتر حد خبرة يمسكها، وأنا قلت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب".

واختتم قائلا: "عرضت عليها تشتغل معايا وهي في السنّ ده مصدقتش طبعاً ومن ساعتها وهي اللي ماسكة كل شغل الميديا الطفلة الشاطرة اللي كبرت دلوقتي قدّامكم هالة عمر، أما بقى عريسها العسل ده اسمه عمرو طلب إيدها مني أنا عشان والدها ووالدتها توفاهما الله... ومن اللحظة دي اتحولت هالة لبنتي الكبيرة بجد... اللي بتتجوز دلوقتي قدامي وبسلّمها لعريسها بنفسي وبغنّي في فرحها، معرفتش أرد على كلامك عني في الفرح يا هالة، رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمّل معاكي مشوار حياتك مع أولادكم الجُمال بإذن الله".

موضوعات متعلقة:

شاهد الظهور الأول لتامر حسني وبسمة بوسيل بعد الصلح

بسمة بوسيل ترد بسخرية على منتقدي ظهورها في حفل تامر حسني الأخير بعد الصلح!

شاهد بسمة بوسيل زوجة تامر حسني بنيو لوك مختلف هل أجرت عملية تجميل!

شاهد الظهور الأول لتامر حسني وبسمة بوسيل بعد الصلح