شريف مدكور: مش عايز أجيب أطفال يتربوا في مجتمع عنصري

بواسطه إسراء صادق | الجمعة , 23 مارس 2018 ,1:14 م



تحدث الإعلامي شريف مدكور، خلال حواره مع موقع "لهلوبة" عن علاقته بأولاد أخيه وكيف يتعامل معهم، كما تحدث عن طريقة تربيتهم الصارمة وتعاليمهم الصحيحة، وتحدث أيضًا عن الطريقة التي تربى عليها منذ صغره، وشاركنا مخاوفه في أن يصبح أب في ظل هذا المجتمع.

وأوضح شريف مدكور عن دوره وعلاقته بأولاد أخيه قائلًا: "ولاد أخويا متربين تربية حلوة جدًا ولو عندي عيال كنت أحب يتربوا كده، وأنا الجزء اللي بيبوظلهم حياتهم، يعني هما ممنوع يشربوا مشروبات غازية فأنا ساعات بقولهم تشربوا يقلولي لأ ما بنشربهاش، وكمان ممنوعين يقعدوا في العربية في الكرسي اللي قدام، فبقول لابن أخويا ساعات أقعد جمبي قدام يقولي لأ ممنوع أقعد قدام، وده ولا مامته ولا باباه شيفينه!".

كما صرح لنا "مدكور" عن أكثر ما يفتخر به في تربيته، قائلًا: "أمي عمرها ما كانت بتزعق، وأمي وأبويا كانوا بيشركوا في التربية سوا وهما كانوا منفتحين جدًا ومكنوش بيقولولنا أقعدوا ذكروا أو يجبرونا على حاجة، ولما كنا بنغلط مش بيزعقوا بالعكس بيسبونا نجرب ونغلط علشان نتعلم".

ومن ناحية آخرى، صرح "مدكور" عن مخاوفه في أن يصبح أب ويتحمل هذه المسؤلية، قائلًا: "أنا مش عجبني المجتمع اللي عايشين فيه كلنا، عجبني المجتمع اللي أنا عايش فيه، لأني عايش في مجتمع غير اللي انتوا عايشين فيه، أنا عايش في مجتمع حلو جدًا ومتلمع كده، بس براه في مصر كلها في كذا مجتمع وكلهم مش لايقين على بعض ومش بيعرفوا يتعملوا مع بعض، فأنا مش عايز أجيب أطفال يتربوا في مجتمع عنصري وبرده مش عايز أعيشهم في قوقعة زي ما أنا عايش".

 

موضوعات متعلقة:

ريهام سعيد تشيد بقوة شريف مدكور لمواصلة عمله بعد إصابته بسرطان القولون

شريف مدكور يتحدث عن أخطاء التربية و يروي قصة فتاة انتقمت من أهلها بطريقة صادمة

شريف مدكور طريقة تربية الأمهات للأبناء الذكور سببًا رئيسيًا لكثرة حالات الطلاق

شريف مدكور أنا شايف أني شخص لهلوب والرجالة اللي ما بتساعدش في شغل البيت فرافير

شريف مدكور الست اللي بتهمل في جمالها علشان بيتها بترتكب مصيبة في حق نفسها


قولى رأيك

تابعنا علي فيسبوك