10 حقايق انتبهى ليها لما تشتري أغذية مغلفة

بواسطه هند جمال | الثلاثاء , 29 مايو 2018 ,11:10 ص

10 حقايق انتبهى ليها لما تشتري أغذية مغلفة


الحقايق الغذائية المكتوبة على أغلفة الأكل بتعرفنا معلومات كتيرة عن المنتج و مكوناته وده بيساعدنا على اتخاذ القرار السليم تجاه تناول الأغذية دي، أو لأ،  وفي  10 نقط لازم ناخدهم فى اعتبارنا لما نشتري واللي هما:  

 

1- حجم المنتج:

وطبعًا مش عايزين نتجاهل أي معلومات خاصة بالحجم، و دي معلومة منقولة عن صاحب جيم رياضي بيقول فيها إن كيس الشيبسي مثلًا ممكن يكون حجمين مش حجم واحد يعنى لما يكون كبير يبقى بيمثل وجبتين مش واجبة واحدة و طبعًا لازم نعرف الحجمين عشان نقارن صح .

و أهمية معرفة الحجم بتكون أساسًا عشان نعرف احنا هناكل قد ايه فى المرة الواحدة .

 

2- الدهون غير المشبعة:

وتم إدراج الدهون غير المشبعة تحت إجمالي الدهون على الأغلفة الغذائية من سنة 2006، وبسبب المخاوف الصحية المعروفة من الدهون غير المشبعة، بدأت الشركات بإزالتها من المواد الغذائية .

ومع ذلك، اللى ميعرفوش المستهلك انه مسموح نقول "0 جرام" من الدهون غير المشبعة على الرغم من أنه ممكن يكون فى شوية منها داخل المنتج، وقوانين العلامات بتسمح باحتواء المنتج على 0.5 جرام أو أقل من اى عنصر ممكن نقول عليه 0  

وعشان كده لازم ندور على كمية الدهون المتحولة، و نشوف في قايمة المكونات عشان نعرف إذا كانت عبارة "زيوت او دهون مهدرجة" أو "مهدرجة جزئيا" موجودة ولا لأ .

 

 

3-الألياف والكربوهيدرات:

دايمًا بتخوفنا من ناحية الوزن إلا انها مهمة بالتأكيد لصحة أفضل، ومعظم الأميركان بيحصلوا على حوالي ثلث الألياف اللازمة ليهم من وجباتهم الغذائية، و طبعًا لازم متقلش الألياف الموجودة في أي منتج من منتجات الطعام الغنية بالكربوهيدرات عن 5 جرامات "الخبز والحبوب والمكرونة، الخ " .

 

4- البروتين:

احنا طبعًا مش محتاجين نكون مهوسيين بالبروتين، ولكن وجود البروتين في الأغذية المعلبة فكرة ذكية، وبتشير البحوث إلى إن البروتين بيساعد على ملء و بناء وإصلاح العضلات، و يفضل تكون نسبة البروتين فى العبوة اللي هناكلها من 5 إلى 10 جرام من البروتين.

 

5-قايمة المكونات:

المرور السريع على المحتوى الغذائى للمنتج بيوضح شوية هو بيتكون من ايه، ويفضل نكون حذرين من القوايم الطويلة المليانة مكونات منعرفهاش عشان عادة ممكن تحتوي على إضافات غير معلومة .

 

6- ترتيب المكونات:

هنحتاج كمان نعرف ترتيب المكونات الخاصة بالاكل عبارة عن إيه، فترتيب ظهور المكونات بيتوافق مع الكمية الإجمالية داخل المنتج، على سبيل المثال، هنقول على قائمة المكونات الموجودة على البطاقة الغذائية مكتوب عليها: السكر، والحبوب الكاملة، وفيتامينE ، ده هيقولك إن المكون الاكبر السكر يليه الحبوب الكاملة وفى الاخر الفيتامين  

دايما حاول تختار المنتج اللي المكونات المفيدة و المغذية مكتوبة أعلى القايمة .

 

7-صحة القلب:

مٌصنعين المواد الغذائية ببساطة ميقدروش يكتبوا أي لغة تسويقية هما عايزينها، لكنهم بيدوروا على الأغلفة المعتمدة واللي بينطبق عليها الشروط وبيدعموها بدراسات علمية، "قلب صحي" مثال على كده .

فالشركات ممكن تستخدم التسمية دي قانونًا في المنتجات منخفضة الدهون المشبعة و الصوديوم، و لازم كمان تحتوى على 0.6 جرام على الأقل، من الألياف القابلة للذوبان .

 

8-منخفض الصوديوم:

و عبارة منخفض الصوديوم معناها إن المنتج بيحتوى على 140 مليجرام من الصوديوم أو أقل عشان كمية الصوديوم الموصى بها هى 2300 ملليجرام يوميا، وللمساعدة في تقليل تناول الصوديوم اليومي الخاص بك، لازم نختار الأطعمة اللى بتحتوي على علامات منخفضة الصوديوم على قد ما نقدر .

 

9- منتج عضوي:

بالتأكيد فى اتجاه متزايد وشعبية للأغذية العضوية، طيب هل ده معناه ان وجباتنا الغذائية لازم تكون 100٪ عضوية؟، بالتأكيد لأ، ولكن، للراغبين في اختيار الأطعمة العضوية، التسمية دى الموجودة على العبوة معناها إن المنتج عضوى فعلًا .

 

10-حبوب كاملة:

لازم الاكل يكون بيحتوي على حصة أو أكثر من الحبوب الكاملة، و بتتكتب الكلمة دي برده لما المنتج بيحتوي على الاقل على 50% حبوب كاملة .

 


قولى رأيك

تابعنا علي فيسبوك