ابنة سامي العدل تعمل على عربة مأكولات في مدينة دهب بالغرقة...مش هقول لله!

نشرت ابنة الفنان سامي العدل بث مباشر لها من خلال صفحتها الرسمية على موقع التواصل الاجتماعي "فيسبوك" جاء فيه أنها ستعمل على عربة مأكولات في مدينة دهب بالغرقة حيث قالت: "ليس لدي إمكانيات كبيرة ، وظروفي المادية دفعتني لتجهيز عربة لبيع المأكولات ، الموضوع مش سهل لكن أنا عايزة أشتغل وأدور على مصدر رزق واعتمد على نفسي ".

وأضافت: "لن أقول أنني لا أجد عملًا ، مش هستنى حد يشغلني لو ظروفي صعبة ، وأدعوا كل سيدة ورجل أن يعملوا في أي مهنة شريفة سواء الخياطة أو النجارة أو بيع المأكولات ، مفيش حاجة اسمها مش عارف اشتغل إلا لو عندك عائق كبير".

وتابعت: "أنا نقابية من 20 سنة والنقابة موفرالي ميزات زي كارنيه التأمين الصحي عشان لما أتعب أعرف أدخل مستشفى بسعر مخفض، وأنا عارفة إني لو طلبت من أهلي مش هيتأخروا ، لكن الأهم إني أشتغل وأكسب طالما مفيش شغل".

واستكملت: "أنا بسعى وعايزة أعمل حاجة وأغير الواقع اللي انا عايشاه وأقاوم الظروف ، أنا غيرت طريقة تفكيري وخليته إيجابي ، لكن التفكير السلبي هيخليك محبط ومش عارف تعمل حاجة".

واختتمت: "في ناس عملتلي بلوك لما شافوني بشتغل الشغلانة دي ، اللي مش قادر يدعمني دي مشكلته هو ، أنا مشكلتي المادية حاليًا بحلها بنفسي ، ومش طالبة من حد يتدخل في حياتي ويقول لي إيه الصح والغلط ، أنا مطلبتش مساعدة أو حاجة من حد".

موضوعات متعلقة

ابنة سامي العدل تهاجم ريهام حجاج بسبب أيتن عامر: "أقسم بالله أنا سألت مين دي قالوا إللي بتتدخل في شغل الناس وبتقول بفلوسي"