طرق بسيطة للتخلص من جفاف الجفون

بواسطه علياء المحمدى | الإثنين , 4 يونيو 2018 ,1:00 م

طرق بسيطة للتخلص من جفاف الجفون


طرق بسيطة للتخلص من جفاف الجفون، بعض السيدات تعاني من مشكلة جفاف الجفون وده بيسبب الحكة والاحتقان والاحمرار وممكن تأثر على العين ككل، وده بيرجع لعدم الترطيب الكافي للمنطقة دي او استخدام سيء لمستحضرات التجميل او مع بعض الاشخاص بتكون بسبب حساسية من المناخ او بسبب اسباب مرضية زي الاكزيما او الحساسية.

وعلشان نحمي العين والجفون من الالتهاب والجفاف في مجموعة علاجات منزلية سهلة ممكن نعملها للوقاية او لعلاج الحالة.

- جل الصبار :

يحتوي على مكونات مضادة للالتهابات والفيروسات وبيساعد الجل اللي جواه على علاج الجفاف ومش بس كده ده بيتقل الرموش.

لو شعرك جاف.. دلعيه بماسك الصبار

- زيت الزيتون:

غني بالمرطبات الطبيعية والمغذيات للبشرة، ومفيد جدًا في ترطيب الجفون علشان يمنعها من الجفاف وايضًا بيتقل الرموش.

ماسك القهوة وزيت الزيتون لبشرة مثالية

- الفازلين:

من اهم مرطبات البشرة اللي من مواد صناعية لكن مش مؤذية، ومن مزاياه انه ممكن نستخدمه على الجفون ولا يضر للعين بالعكس ليرطب ويمنع الجفاف.

- المياة المثلجة:

قطنة صغيرة مغموسة في مياه مثلجة ممكن تقضي على مشكلة الجفاف في الجفن بس لازم نعمل الحركة دي اكتر من مرة علشان تحافظي على رطبوبتها.

- مياة الورد:

من مرطبات البشرة اللي بتجعلها طرية وهادية وممكن نستعملها بقطنة او بفرشاة ماسكارا نضيفة.

ماء الورد والبيض بديل عن الشامبو لشعر صحي

- زيت الخروع:

البنات بتستخدمه علشان يتقل الرموش لكن ايضًا هو مفيد للجفون لانه زيت تقيل بيساعد الجفون على انها تفضل رطبة ومتغذية وبعيدة عن الجفاف والالتهابات.

 

موضوعات متعلقة:

5 نصائح فعالة لعلاج جفاف البشرة

5 علامات تنبهك لضرورة شرب المياه بسرعة


قولى رأيك

تابعنا علي فيسبوك