الأكل المناسب بعد الجري الصبح

بواسطه شيرين مصطفى | الاحد , 3 سبتمبر 2017 ,6:13 ص

الأكل المناسب بعد الجري الصبح


الجري من الرياضات اللي ليها فوايد كبيرة على الجسم، لانه بيحافظ على اللياقة البدنية ويقلل من خطر الاصابة بعدد كبير من الأمراض الخطيرة، زي السمنة، بالإضافة الى انه بيحسن الدورة الدموية وبيقوي العضلات، وعلشان تحصلي على الفايدة كاملة في بعض المأكولات مهم جدا تاكليها بعد الممارسة صباحا، ولهلوبة هتقولك عليها في السطور اللي جاية: 

 

1- السالمون:

غني بأحماض أوميجا 3 الدهنية والبروتين، وبيحتوي على مواد مضادة للأكسدة بتوفر لجسمك الكمية المطلوبة من الطاقة، بالإضافة إلى إنه جيد على الدماغ وبيساعد في تطور السلوك المعرفي.

 

2- اللوز:

مفيد للبشرة وللصحة بشكل عام، لانه بيقوي مناعة الجسم وبالتالي بيساعد في التخلص من عدد كبير من الأمراض اللي ممكن تكوني معرضة للإصابة بيها.

 

3- الموز:

من الفاكهة اللي بتزود القدرة على التحمل، لانها غنية بالفيتامينات والمعادن مع الكربوهيدرات اللي بتمد الجسم بالطاقة اللي بيكون محتاجلها بعد الجري.

 

4- الشوفان:

لو عايزة تاخدي طاقة بعد الجري، الشوفان من أكتر الأكلات اللي هتكون مفيدة ليكي ويفضل تاكليه كل يوم لانه غني بفوايد كتيرة على الجسم.

 

5- الخضروات:

اتأكدي انك تاكلي بعد التمرين خضروات ملونة، لانها مفيدة للجسم وبتمده بالفيتامينات والمعادن، يفضل يكون فيها ألوان كتيرة ومش من نوع واحد.

 

6- الفراخ:

بتحتوي على السيلينيوم اللي بيقلل من خطر الإصابة بالتهابات المفاصل، كمان صدورها غنية بالبروتين وسعراتها الحرارية قليلة.

 

7- الفواكه:

شجعي نفسك على تناولها بكثرة، خصوصًا في الصيف، علشان تجعلي جسمك رطب ونشيط، كمان بتحتوي على أملاح طبيعية بتحافظ على ضغط الدم بعد الجري.


قولى رأيك

تابعنا علي فيسبوك