عادات روتينية في المطبخ.. احذريها

بواسطه إسراء صادق | الإثنين , 4 يونيو 2018 ,10:20 ص

عادات روتينية في المطبخ احذريها


عادات روتينية في المطبخ.. احذريها، بما ان في ستات كتير بيقضوا اغلب يومهم في المطبخ، بيبقى في حاجات متعودين يعملوها بشكل روتيني وعفوي من غير ما يعرفوا خطورتها، وعلشان لهلوبة بتهتم بكل حاجة تخصك قررت تعرفك عليهم السطور الجاية.

 

1- علب حفظ الاغذية البلاستيكية: 

بعض الشركات المصنعة للعلب البلاستيكية اللي بتحفظي فيها الاكل داخل التلاجة، بتضيف مواد كيماوية ضارة بالصحة في مواد تصنيع العلب دي، علشان كده يا ريت تستبدليها بعلب من مواد اخرى افضل.

2- حوض المطبخ:

القاء اطباق الطعام في الحوض وهي عالق بيها بعض بقايا الطعام بتتراكم في صفاية الحوض وبتبقى تربة خصبة لنمو انواع ضارة من البكتيريا زي السالمونيلا.  

3- السكاكين: 

لازم تبقى حادة جدا دايمًا، لانها لو مش مسنونة كفاية هتنزلق من ايدك وممكن تجرحك. 

4- اسفنجة المطبخ: 

من اكثر الحاجات اللي بتنمو فيها البكتريا وشطفها بالميه مش كفاية علشان يقتلع الميكروبات، علشان تخلصي من اي بكتريا فيها ضعيها بعض الوقت في الميكرويف او في غسالة الاطباق على درجة "ميه سخنة".  

5- فوط المطبخ:

 مسكك لها وخاصة لو مبللة ثم مسكك لطعامك تاني دي وسيلة سهلة جدا لوصول البيكتريا لاكلك لان فوط المطبخ زي السفنجة واكتر في نمو الميكروبات داخلها، خدي بالك من لمس الاكل في مطبخك بعد ماسكها لازم تغسلي ايدك قبلها. 

6- معطرات الجو: 

غالبية الانواع  بتحتوي على مواد كيماوية ضارة وبعضها ممكن يسبب امراض الرئة والسرطان، الافضل تهتمي بتهوية المطبخ من خلال الشباك واخراج القمامة بانتظام بدل ما ترشي المعطر الجوي في المطبخ قريب من الاكل. 
 
 


قولى رأيك

تابعنا علي فيسبوك