إزاي تخلي طفلك يستمتع بحمامه

بواسطه منى مجدى | السبت , 25 أغسطس 2018 ,9:09 ص



إزاي تخلي طفلك يستمتع بحمامه، إنك تاخدي طفلك للحمام ده شئ في منتهى الصعوبة، خصوصًا إن لما بييجي معاد حمامه بيبصلك نظرة فيها تحدي كأنه بيقولك "إنتي متخيلة إني هدخل البانيو وآخد دش"!؟؟.

لكن علشان احنا ميرضيناش إنه ميخدش دش هنوريكي في الفيديو ده إزاي تخليه ياخد دش وكمان يستمتع.

 

- هاتي أشكال ملونة والزقيهم في البانيو ولو عندك طفلين حطي لكل طفل أشكاله الخاصة ملونة بلون مختلف عن التاني، علشان تحافظي على مساحتهم.

- هاتي معجون حلاقة أو صابون الرش بتاع أعياد الميلاد وحطيه في علبة وهاتي فرشاة وخلي طفلك يرسم حول الحمام أو على البانيو أو حتى على وشه ولو معاكي طفل تاني خليهم يلعبوا سوا.

- امسكي راس إزازة الشامبو بتوكة أستك علشان طفلك يقدر ياخد منها كمية بسيطة علشان لو حب يحط على جسمه بنفسه.

- أمني طفلك الصغير بإنك تحطيه في سبت الغسيل البلاستيك، وحطي مياه جواه وحطي ألعاب طفلك حواليه، علشان يبقى سهل عليه يقعد ويستمتع.

- حطي اسفنجة متينة على حرف البانيو علشان أمان طفلك وعلشان تسندي عليها وانتي بتلعبي مع طفلك.

- حطي شمع تحت الألعاب البلاستيكية اللي هتحطيها في المياه علشان يطوفوا على المياه وميضيعوش.

- جمدي الألعاب الصغيرة في لوح التلج واديها لأطفالك هيحبوا جدًا يشوفوهم والتلج بيسيح من على اللعبة.

- حطي مشبك ورق في راس ماكينة الحلاقة علشان أمان طفلك.

- استخدمي ورق التجفيف في تنضيف الباب والمراية من الشوائب والأوساخ.

- اخرمي ازازة بلاستيك كذا خرم من تحت وامليها بالمياه وخلي أطفالك يشوفوا المياه وهي بتخرج من الإزازة ويرجعوا يملوها تاني، هيحبوا اللعبة.

- حطيلهم كوبايات بلاستيك يلعبوا بيها في المياه، أو مصفاة بلاستيك علشان يتفرجوا على المياه وكأنها بتمطر.

- علقي الألعب اللي بتستخدميها في الحمام فوق البانيو.

- علشان تتجنبي وجع عنيهم لما الشامبو ييجي عليها استخدمي ازازة مياه وانتي بتغسلي شعرهم.

- سرحي شعر طفلتك وانتي لسة في الحمام.

موضوعات متعلقة:

نصائح تحتاجها كل أم جديدة في تربية اطفالها

أيهما أصعب في التربية.. الولاد أم البنات؟

كيف تساعدين أطفالك على التحكم في غضبهم

 


قولى رأيك

تابعنا علي فيسبوك