اعرفي ليه الشغل والريجيم "دونت ميكس"

بواسطه علياء المحمدى | السبت , 26 مايو 2018 ,11:19 م

اعرفي ليه الشغل والريجيم دونت ميكس


بنات كتير بتعاني من لخبطة النظام الغذائي مع روتين الشغل والنظام ومش بيعرفوا يحلوا المعادلة دي بين الشغل والاكل الصحي، لكن لهلوبة حبت تساعدهم وتقولهم ان في غلطات هي السبب في فشل الريجيم لو انتبهنا لها نقدر نحقق المعادلة الصعبة دي:

 

- اهمال الفطار:

اول غلطة ممكن نعملها هي اننا نهمله علشان مستعجلين وعايزين ننزل بدري للشغل، ده بيجعلنا ناكل اكل غلط ويتخن، علشان كده لازم نفطر كويس قبل النزول للشغل.

 

- الاكل على المكتب:

حتى الاكل الصحي على المكتب في مكانك بيبقى غير صحي لان مع التركيز على  الشغل ممكن الشخص ياكل كميات اكتر، ويفضل ان وقت الطعام الشخص ينفصل عن العمل ويركز في الكمية والنوعيات اللي بياكلها.

 

- مكافأة النفس على اسباب غلط:

اليوم الفري او المكافأة للنفس على نزول بعض الكيلوات او الانتظام في الجيم كلها مشروعة، لكن انك تاكل اكل يتخن لانك مضغوط او مش مرتاح في الشغل او متضايق دي اسباب غلط ومع الاحساس ده الاكل بيتحول لعامل في زيادة الضغط النفسي.

 

- اهمال الاكل الصحي بحجة التمرين:

في ناس بتعتقد انها ممكن تاكل كل الاصناف بأي كمية طول ما هم بيتمرنوا، لكن المعلومة دي غلط لأن التمرين لوحده مش كل حاجة وفي نفس الوقت الاكل لوحده مش بيخسس، لكن الاتنين زي الميزان مع بعض لازم اكل صحي وحركة علشان نقص الوزن.

 

- الاكل الصحي طعمه سيء:

في ناس عندها معتقد ان اي اكل صحي لازم يبقى طعمه وحش عكس الاكل غير الصحي، لكن الحقيقة ان ان نوعية الاكل دي في منه اطعمة لذيذة جدا بس الشخص يجرب ويحب نفسه وصحته.

 


قولى رأيك

تابعنا علي فيسبوك