هجوم شديد على حلا شيحة بعد رسالتها للفنان تامر حسني.. ما الحكاية؟

بواسطه هند جمال الخميس , 15 يوليو 2021 ,10:05 ص

هجوم شديد على حلا شيحة بعد رسالتها للفنان تامر حسني....ما الحكاية؟


شن رواد مواقع التواصل الاجتماعي هجومًا حادًا على الفنانة حلا شيحة، بعد رسالتها الأخيرة لزملائها الفنانين وخاصة الفنان تامر حسني الذي شاركته بطولة فيلم "مش أنا" الذي يعرض حاليًا في دور العرض السينمائي، وحقق نجاحًا جماهيريًا كبيرًا.

وجاء من بين  تعليقات الجمهور: "تامر حسني عطاكي هالفرصة الحلوة إنك تمثلي قدامه بعد اعتزالك ونسيانك من قبل المشاهد، وأنت تجازيه بهالطريقة فعلا إنسانة غريبة ومتناقضة" و"يعني مثلتي الفيلم بإرادتك وأكيد خدتي فلوسك وعاوزة يرموا الشغل في الأرض، مكنتش رجعتي تمثلي، أنت متناقضة ومش عارفة أنت عاوزة إيه، ومدوخانا معاكي".

وأضاف آخرون: "حاجة فوقي، أنت عندك أفلام منيلة أكتر، بترمي مشكلتك على تامر ليه مش فاهمة، أنت محدش أجبرك، صورتي وأخدتي فلوس وخلاص توبتي ربنا يثبتك بس متشيليش ذنوبك لحد، بالمناسبة الفلوس كمان حرام إبقي طلعيها لله".

وجاء في تعليق آخر: ""يا استاذة حلا، استاذ تامر حسني مش مسئول عن تصرفات حضرتك، حضرتك قدمتي المشاهد دي بكل وعيك، وكان ساعتها ربنا موجود برضه، ملوش علاقة بالحجاب، حضرتك تبتي عنها تمام، ربنا يوفقك ويوفقنا جميعًا، لكن حضرتك عليكي مسئوليتها، ولا استاذ تامر ولا حد تاني مسئول عنها غيرك، فهو ملوش ذنب تفكريه بفيديوهاته، وتكتبي تهاجميه في بوست علي النت، وهو بيبقى سبب في إنه بيقيد توبتك، أو إنه بيعمل مشاهد أنت صورتيها بنفسك، دي دعاية للفيلم اللي هو شغلك، ولما رجعتي للفن، قلتي انك تحررتي من الظلام، ورجعتي للفن اللي مش حرام، وعملتي كل حاجة نفسك فيها وده قرارك برضه، لازم يا استاذة حلا تتحملي نتيجة تصرفاتك لوحدك، سواء لبستي الحجاب أو قلعتيه، تصرفاتك في الحالتين تخصك لوحدك، ومحدش يلام عليها غيرك، كلنا هنتحاسب عليها، وتامر حسني ملوش دعوة بحاجة، ولا اللي نصحوكي بالحجاب ليهم دعوة.. كل انسان بحسابه لوحده وبيتحمل نتيجة تصرفاته في النهاية وربنا يوفقك وتستقري في حياتك ويوفق الاخرين".

بينما قال تعليق آخر: "معلش هو وأنت بتمثلى الفيلم ده كنتى نايمة ولا ايه ؟؟؟ ولا كان ضربك على ايدك علشان تمثلي اللى ميرضيش ربنا، توبتى آه على عينا وراسنا بس مش ذنبه إنك كل شوية بحال، ده شغله وأنت ساعتها وأنت موافقه تمثلي كنتي بكامل وعيك أكيد، وبالنسبة لكلامك عن اللي الدنيا وخداهم فدي حاجي بينهم وبين ربنا انت اتحجبتى فرحنا بيكي ولما اتنقبتي كمان وهوباااا من النقاااب لفساتين مش مدارية ربع جسمك محدش حاسبك وطلعتي عادى بكل بجاحة ومخوفتيش من ربنا قبل الناس ورجعتي اتحجبتى علشان شخص اتجوزتيه مش علشان ربنا ف سيبي الكلام في الدين لناسه وتحملي نتيجة قراراتك اللي بتاخديها".

وفي تعليق آخر: "هو المفروض كان فيلم وراح لحاله والمشاهد مش صعبة علي فكرة والفيلم فعلا كويس، ده شغل وحضرتك رضيتي بيه لو مش حابة تعملي أعمال تاني براحتك لكن مش من حقك تتكلمني كده عن شغل لزمايلك أنت كنتي مرحبة بيه في يوم من الأيام وآسفة بتتمني تشتغلي علشان ترجعي تاني، المشاهد مفيهاش عري ولا حاجة كنت أحب انك تعدي الموقف لأن ده شغل ومجهود زمايلك مش هتتحكمي في حاجة بعد ما نزلت وبالأخص بتنافس دلوقتي في السينمات وأتمنى أن لا قدر الله لو حصل حاجة تانية في حياة حضرتك واتمنالك كل خير مترجعيش في قرارك تاني وترجعي للفن وتقعدي تمجدي وعايزة تشتغلي بأي طريقة وبعدين تقولي العكس، ده هيفقد رصيدك مصداقية ليكي مع الناس ربنا يوفقك في أي حاجة تختاريها".

وكانت الفنانة حلا شيحة قد وجهت رسالة للفنان تامر حسني جاء فيها: "أنا اتفاجئت جدًا بنزول كليب يجمع فيه مشاهد متفرقة من الفيلم، وفي أيام ذي الحجة أيام مباركة، وخصوصًا بعد أخر بوست نزلته ووضحت فيه أنا إيه..، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي، إحنا يمكن نجحنا بمقايس الدنيا بس صدقوني بمقايس ربنا احنا لم ولن ننجح".

وأضافت: "أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر، بس المصيبة إننا بنغفل وبننسى".

حلا تابعت: "أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني، لأن في الأخر ده اللي هينفعنا مش الشهرة ولا النجاح، لا هو مش نجاح أصلًا، علشان النجاح الحقيقي حاجة تانية خالص، احنا أغلبنا ناسيها إلا القليلين منا".

وأكملت حلا رسالتها لفريق عمل "مش أنا": "الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، احنا كلنا عندنا امتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايما خايف من كده، كلام أكيد قولته في لحظة صدق جواك وجوانا كلنا، شوفه تاني يمكن يفكرك إن جواك أكيد في صراع وأنا وكلنا".

واختتمت حلا قائلة: "كلنا بنغلط بس المهم في الأخر نتدارك الغلط ونصلح، {إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله، يا سلام لو أصواتنا ومواهبنا كلها نستعملها في الخير عشان يبقى فن بجد".
 حلا شيحة

يذكر أن فيلم "مش أنا" يمثل عودة لحلا شيحة للسينما بعد قرار عودتها عن قرار الاعتزال، فكان أخر فيلم سينمائي شاركت فيه هو "كامل الأوصاف" الذي عرض عام 2006، من بطولة عامر منيب، وحلا شيحة، وعلا غانم، ومن تأليف أحمد البيه، وإخراج أحمد البدري.

 

موضوعات متعلقة:

والد حلا شيحة يرد على هجومها على تامر حسني وفيلم مش أنا مش بنتي اللي أعرفها وهي كانت معجبة جدًا بالفيلم!

راندا البحيري تهاجم حلا شيحة بعنف عريس وطرحة ومن تاني يوم تقول مين هيدخل الجنة ومين لا!

حلا شيحة تحدث ضجة بمواقع التواصل الاجتماعي برسالتها لصناع هذا الكليب بتكلم من قلبي الكليب ده ميرضيش ربنا!

هنا شيحة غاضبة بسبب خبر أعتزال شقيقتها حلا ما الحكاية؟

حلا شيحة تحدث ضجة وترتدي الحجاب مجددًا بعد زواجها من معز مسعود!


قولى رأيك

تابعنا علي فيسبوك