ماسك البنجر لازالة البقع الداكنة وتوحيد لون البشرة

بواسطه روضة إبراهيم | الخميس , 2 نوفمبر 2017 ,10:18 ص

ماسك البنجر لازالة البقع الداكنة وتوحيد لون البشرة


معظم البنات بتعاني من مشكلة ظهور البقع الداكنة في البشرة، وبتكو حاجة مزعجة جدًا لو رايحة مناسبة مهمة وعاوزاها تختفي، وعلشان المشكلة دي تتحل ابعدي عن فكرة انك تداريها بالكريمات، واتجهي لعمل ماسكات بمكونات طبيعية، والنهاردة لهلوبة هتقولك طريقة عمل ماسك لتفتيح البشرة وازالة البقع الداكنة.

ماسك البنجر لازالة البقع الداكنة وتوحيد لونها:

معروف البنجر انه ليه فوايد كتير لصحة الجسم، ولكن فوايده للبشرة عديدة، منها انه بيدي لون احمر طبيعي للبشرة، وبيجعل الوجه وردي وجميل، وكمان بيساعد في توحيد لونها وتفتحها والتخلص من الهالات السودا وازالة الرؤوس السوداء وبيساعد في تضيق المسام، علشان تظهر البشرة ناعمة وجميلة وخالية من الشوائب.

المكونات:
ثمرة بنجر- علبة زبادي.

الطريقة:
هاتي ثمرة بنجر طازج، وبعدين ابشريه علشان يكون قطع صغيرة، وبعدها ضفيه على علبة زبادي، لحد ما يصبح قوام متماسك ومناسب، ثم ضعيه على بشرتك لمدة تتراوح من 5 لـ 10 دقايق، واغسلي وجهك بالميه الفاترة.

ملحوظة: علشان تحصلي على النتيجة المطلوبة، استمري في عمل الماسك لمدة اسبوعين على الاقل، وبتلاحظي النتيجة.

اقرئى ايضا
روتين العروسة.. ماسكات طبيعية لبشرتك تستعدي بها قبل الفرح


قولى رأيك

تابعنا علي فيسبوك