طرق استخدام قشر الليمون في تفتيح وتجميل الجسم

بواسطه روضة إبراهيم | الثلاثاء , 24 أكتوبر 2017 ,9:33 ص

طرق استخدام قشر الليمون في تفتيح وتجميل الجسم


علشان تكوني ست لهلوبة اوعي ترمي اي حاجة ممكن يكون ليها فايدة، يعني اكيد مثلًا الكل بيستخدم الليمون في الطعام، وبعدها بنرمي القشر، ولكن ايه رأيك لو استغلتيه في عمل وصفات جمال لتفتيح وتجميل الجسم.

صورة ذات صلة

فوايد قشر الليمون في التجميل وصحة الجسم:

- لو حابة تحصلي على بشرة فاتحة، ممكن تفركي بشرتك بقشر الليمون، بس جربيه الاول على ايدك، واتأكدي ان مش عندك حساسية منه.

- علشان تحصلي على ضوافر بيضا وجميلة، ممكن تدعكيهم بقشر الليمون، والنتيجة بتظهر على طول.

- لو عندك بقع داكنة في جسمك، ممكن تدعكيها بقشر الليمون، وتتركيها لمدة ساعة، وبعدين قومي بشطفها، مع الاستمرار نلاحظ ان البقع دي بدأت تختفي.

 ممكن تستخدمي قشر الليمون كمنشط للجلد، قومي بفركه على بشرتك ووجهك، لو كنتي لا تعاني من حساسيه منه، ولكن ابعدي عن منطقة العين.

- لو بتعاني من جفاف وخشونة في منطقة الكوع والركبتين، ممكن تستخدمي نص ليمونة واغمسيها في بيكربونات الصوديوم، وبعدين افركي بيها المنطقة لعدة دقايق، وبعدين اشطفيه وجففيه.

- اعملي اسكرب لجسمك علشان تحصلي على نعومة وتفتيح، وده عن طريق مزج ½ كوب سكر مع قشر ليمون مفروم، ونضيف عليهم زيت زيتون، ولما تحصلي على القوام المظبوط، قومي بفرك جميع انحاء بشرتك لعدة دقائق وبعدين قومي بشطفها.

- لو بتعاني من مشكلة جفاف قدمك، اغلي قشر الليمون، واجعليه يبرد، وبعدين ضيفي ¼ كوب حليب، مع ملعقتين كبار زيت زيتون، وضيفي قطرات من زيت الليمون، وبعدين انقعي رجلك في الخليط ده لمدة 20 دقيقة، وبعدين جففيها وضعي كريم مرطب، وبنلاحظ الفرق.

- لو بتعاني من الشعور المتكرر بالغثيان، ممكن تمصي شريحة ليمون، علشان تساعدك تتخطي الاحساس ده.

ملوحظة: بعيدًا عن جمال البشرة والجسم، قشر الليمون بيستخدم في تعطير هواء المنزل، وده عن طريق انك بتغلي قشره في وعاء فيه ميه، والبخار النافذ منه بيعمل على تغير ريحة المنزل.


قولى رأيك

تابعنا علي فيسبوك