علامات تقولك ان طفلك مصاب بالمثلية الجنسية

بواسطه شيرين مصطفى | الثلاثاء , 3 أكتوبر 2017 ,9:08 ص

علامات تقولك ان طفلك مصاب بالمثلية الجنسية


المثلية الجنسية عبارة عن انجذاب الشخص لفرد من نفس جنسه، وممكن ينجذب بصورة ضئيلة او تكاد تكون منعدمة للجنس الآخر، وساعات كتير الام بتلاحظ ان طفلها عنده ميول للمثلية الجنسية من غير علمها، ولهلوبة هتقولك علاماتها:

 

1- رغبة الطفل المعلنة بشكل متكرر بتغيير نوعه وانه عايز يكون من الجنس الآخر بمعنى لو ولد يبقى نفسه يكون بنت أو العكس.

2-  لو كان الطفل ولد هتلاقيه بيحب يلبس هدوم البنات ويقرب منهم، وعلى العكس لو كانت بنت بنلاحظ انها بتلبس هدوم الولاد وتخفي أنوثتها.

3- الرغبة الشديدة في اللعب بالألعاب المفضلة عند الجنس الآخر، زي ان البنت تحب تلعب بالمسدسات و العربيات والولد يفضل انه يلعب بالعرايس.

4- كمان لما تلاقي طفلك بيحب يلعب مع الجنس الآخر بدل اللعب مع اشخاص من نفس جنسه.

5- لو ولد هتلاقيه ابتدى مع الوقت يرقق صوته زي البنات، ويستخدم المكياج على وجهه، ويفضل يلبس هدوم ضيقة تظهر مفاتنه، والبنت تلاقيها بتخشن صوتها زي الرجالة وتقص شعرها جرسون.

 

العلامات دي بتظهر بداية من سن 4 سنين في فترة ما قبل المدرسة، وتقدري تقلقي لما تلاقي استمرارية في السلوك ده بشكل متكرر، في نفس الوقت بيكتسب عادات تانية تشير للخطر، مثلا لما تلاقيه ابتدى يستخدم مكياجك واتجنب يتعامل مع اصحابه الصبيان وبقى يحب يقعد يلعب بالعرايس، كمان هتلاحظي من مشيته محاولته لتقليد مشية البنات واعجابه بالشعر الطويل، وممكن تلاقيه محتفظ بصور بتعبر عن المثلية الجنسية، أو اتجاهه لمشاهدة افلام اباحية بيمارسها شخصين من نفس النوع الجنسي مع بعض، وممكن جدا تلاقي في مذكرات بنتك الخاصة كلام عن مشاعر رومانسية وجنسية تجاه بنت صاحبتها.

 

هنا لازم تعرفي انه بيعاني من اضطراب في الهوية الجنسية، ويفضل تعرضيه على دكتور متخصص لعلاج الحالة، وحاولي ان الموضوع يكون سر بينك وبينه هو وباباه على الاقل، واتعاملي مع الامر بحكمة ومن غير عصبية، واتأكدي كمان من عدم تعرض طفلك لاعتداء او تحرش جنسي، وادعمي علاقتك به وكوني صاحبته اللي بيحكلها كل حاجة وكوني متأكدة من اخلاق كل شخص بيتعامل معاه.

 


قولى رأيك

تابعنا علي فيسبوك