لو اللبانة لزقت في شعرك لهلوبة هتطلعهالك

بواسطه شيرين مصطفى | الإثنين , 4 سبتمبر 2017 ,9:15 ص



معظم البنات والاطفال بيحبوا ياكلوا اللبان لانه بيساعد على تحسين الحالة المزاجية وطعمه حلو، لكن احيانًا بينسوا ويناموا وهما بيمضغوا اللبانة ويصحوا يلاقوها لزقة في شعرهم ويحاولوا يطلعوها لكن النتيجة بتكون صعبة وقاسية، ولان طول ما انتي مع لهلوبة لازم تنسي صعوبة عمل اي حاجة، فهي جابتلك فيديو بيعرض ازاي تتخلصي من اللبانة بطريقة سهلة جدا وهي:

الادوات:

ليمونة، كوباية ميه، سكينة، ازازة بخاخة.

الطريقة:

1- اقطعي الليمونة نصين بالسكينة واعصريها على كوباية الميه.

2- صبي الخليط في الازازة البخاخة واقفليها كويس.

3- رشي بالبخاخة على مكان التصاق اللبانة على الشعر.

4- ابدأي نزلي اللبانة بالمشط هتلاقيها بتنزل معاكي لحد لما تطلع من الشعر بشكل نهائي.


قولى رأيك

تابعنا علي فيسبوك