5 طرق سحرية لتنضيف الحمام في العيد

بواسطه شيرين مصطفى | السبت , 19 أغسطس 2017 ,7:51 ص

5 طرق سحرية لتنضيف الحمام في العيد


معروف ان معظم الستات اول ما العيد يقرب بينشغلوا في تنضيف البيت وترتيبه، ومن الاماكن المرهقة في الترويق، الحمام، لانه بيكون مليان بالبكتيريا والجراثيم الموجودة على القاعدة والبانيو والحيطان و الحوض، علشان كده لهلوبة جابتلك طرق فعالة لنضافته ولمعانه.

1- البيكينج صودا و ميه الاكسجين لتلميع المراية:

اخطي ملعقة من البيكينج صودا لـ كوباية من ميه الاكسجين، وبلي اسفنجة التنضيف بالخليط، وابدأي نضفي بيها المراية، هتلاقي بقت نضيفة وبتلمع.

 


2- 
معجون الاسنان لنضافة التواليت:

قاعدة الحمام من اكتر الاماكن اللي لازم تهتمي بتنضيفها لانها بتتراكم عليها بكتيريا وجراثيم بشكل كبير، ولتنضيفها اخلطي معجون الاسنان مع الميه، واتركيهم لمدة نص ساعة عليها ، بعدين ادعكيه بالفرشاة العادية



3- 
القطن ومعجون الاسنان والمنظف لارضيات الحمام:

سهل جدا تنضفي ارضيات الحمام من خلال احضار المنظف او تقدري تستبدليه بمعجون اسنان وبلي القطنة في واحد منهم، وادعكي بيها الارضية، هتلاقيها نضفت وبقت بتلمع.

 


4- 
الملح والليمون للصدأ:

بقع الصدأ الموجود على الحنفيات، تقدري تتخلصي منها باستخدام خليط الملح وعصير الليمون، كل اللي هتعمليه انك تضعي الخليط على مكان الصدأ قبل ما تنامي بالليل وبعد ما تصحي الصبح اغسليه بالميه.

 


5- 
الخل والميه لتنضيف السقف:

بعض الامهات بيهتموا بنضافة ارضية الحمام وبينسوا السقف، لكن تقدري تنضفيه بخلط الميه مع كوباية خل، وبلي اداة تنضيف السقف بالخليط وابدأي في التنضيف، هتلاقيه اصبح خالي من اي تراب او اوساخ عالقة عليه.




قولى رأيك

تابعنا علي فيسبوك