ازاي تباني اصغر من سنك

بواسطه نورا جمال | الثلاثاء , 24 أكتوبر 2017 ,9:31 ص

ازاي تباني اصغر من سنك


 

التقدم في العمر حاجة مفيش منها مفر ومشاكل الحياة بتظهر الانسان اكبر من سنه، علشان كده لهلوبة جيبالك طرق تقدري من خلالها تباني اصغر وتخفي اثر الشيخوخة، اعرفيها معانا في السطور الجاية.

1- استخدمي قلم او بودره مصحح الحواجب علشان تملي الفراغات وتتقلي حاوجبك لكن بشكل طبيعي، وابعدي عن وضع اي كريمات مرطبة عليها علشان بتسد المسام وبتمنع ظهور شعر جديد وانتي اكيد هتكوني محتاجة تكون اتقل.

2- ابعدي عن لبس الجينز اواسع بزيادة وخصوصًا من عند منطقة الرجلين علشان ده بيعطي عمر اكبر من الحقيقي.

3- مش معني ان وزنك زاد انك تلبسي قطع من الهدوم المهلهه عليكي علشان تداري التخن، استمتعي واخفي الديفوهات واحرصي على ارتداء الهدوم اللى مقاسها مناسب ليكي.

4- استخدمي دايماً طلاء اظافر ناعم وجذاب و حافظي على جمال ضوافرك، وبلاش تتركي اي بقايا للمانكير بشكل عشوائي تكون مقشرة او مش مظبوطة.

5- اتركي اكسسوراتك متناسقة مع بعضها يعنى الجزمة تكون لون الشنطة ويكون فى لمسة من الوانهم فى لون السلسله والحلق هكذا.

6- استخدمي غسول مناسب للبشرة ولهلوبة بتنصحك تستعملي نوع ضد ظهور علامات الشيخوخة المبكرة اللي بتلاقيه متوافر فى الاسواق دلوقتي باسم اكتر من ماركة.

7- لا تستخدمي ميكب تقيل وخصوصاُ فاوندشن لانه بيعمل علامات قوية بتبين تجاعيد وشك.

8- لو بتستخدمي البلاشر راعي رسم خدودك، الطبيعي في عمر مبكر بتكون مرسومة زي التفاح يعنى اقرب للشكل المدور لكن مع تقدم العمر بتلاقيها شكلها اقرب للكمتري لا تشعري بالكسوف وارسميها بالشكل المناسب لكي.

 


قولى رأيك

تابعنا علي فيسبوك