حمو بيكا يكشف عن المبالغ التي يحصل عليها من اليويتوب شهريا.. ترى كم يربح؟

بواسطه هند جمال الخميس , 15 إبريل 2021 ,9:16 ص

حمو بيكا يكشف عن المبالغ التي يحصل عليها من اليويتوب شهريا


حل مطرب المهرجانات حمو بيكا ضيفًا على برنامج "لحظات جريئة"، الذي يقدمه الإعلامي أحمد سالم ويذاع على قناة "القاهرة والناس"، وأثناء الحلقة تساءل الأخير عن الارباح التي يحصل عليها "حمو" يوميًا، نتيجة ملايين المشاهدات التي تحققها أغانيه على موقع الفيديوهات الشهير "يوتيوب"، فقال أنه لا يحصل على أرباح يومية ولكن يحصل على حوالي 3000 دولار شهريًا نتيجة مشاهدات أغانيه.

يذكر أن هناك خلافًا قد حدث بين مطرب المهرجانات حمو بيكا والمطرب عمر كمال، حيث قام حمو بنشر صورة عمر المشطوبة، عبر حسابه الشخصي على موقع "فيس بوك"، وعلق عليها قائلًا: "يا ريت محدش يكلمني في شغل على الشخصية دي، عشان أنا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو".

وأضاف: "هو عامل بيحبني وهو بيكرهني، مع السلامة يا صحاب مزيفة".

وبعد هذا الهجوم القوي من حمو بيكا على عمر كمال، خرج الأخير ليوضح ويكشف الكثير من الأسرار أمام الجمهور، وذلك من خلال بث مباشر على حسابه على موقع "فيس بوك" قائلًا: "أنا تحملت كثير جداً إهانات بعض الناس، لكن أنا ممكن أطلع أقولك يا أبو كرش لكن كل دي إهانات أنا ماليش فيها".

وتابع: "أنا أول أغنية أتربح من خلالها كانت من خلال أغنية أنت معلمة، وكل الأغاني اللي قبل كده كنت بديها لحمو بيكا عشان يرفعها من خلال قناته ويكسب منها بما فيها أغاني كانت من إنتاجي أنا، والله مكنتش باخد فلوسهم لأني بكسب من زمان وسيبتك تاكل عيش".

وأضاف عمر: "الشخص اللي بيتكلم عليّ ده أول ما بينزل من إسكندرية بييجي على شقتي وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني، وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي".

وأضاف: "وحتى بعد الاتفاق مدفعش ليّ عربون ولا سألني تاخد كام على عكس ما بعمل معاه في أي فرح حد بيطلبه فيه، عيب تقول عليّ إني صحبة مزيفة، أنا عمري ما كسبت من وراك، أنا سيبتلك 12 تراك كلت من وراهم الشهد، حتى العربية بتاعتك أنا اتصدرت أنا ومدير أعمالي عند المعرض عشان يقسطهالك وضمنتك في مليون و800 ألف جنيه، ولو كنت لوحدك مكنش حد هيديك عربية".

موضوعات متعلقة:

حمو بيكا يتهم شاكوش بتقليد هذا الفنان!

حمو بيكا يطلب هذا الطلب من الأطباء والمهندسين ما الحكاية؟

أول تعليق لهاني شاكر بعد حكم حبس حمو بيكا في سبه وقذفه

بالصور حمو بيكا في جلسة تنظيف لبشرته


قولى رأيك

تابعنا علي فيسبوك