ماسكات من قشر الليمون لنضارة بشرتك

بواسطه شيرين مصطفى | الإثنين , 14 أغسطس 2017 ,10:57 ص

ماسكات من قشر الليمون لنضارة بشرتك


معروف ان الليمون له فوايد صحية وجمالية، لكن اوقات بننسى اهمية القشر بتاعه لنضارة الجلد ده لأنه بيحتوي على فيتامين "ج"، المعزز لصحة وشباب البشرة، وعلشان كده لهلوبة جابتلك مجموعة من  ماسكات قشر الليمون اللي تقدري تعمليها في البيت وتجددي فيها حيويتك.

 

1- الكيوي وقشر الليمون:

اضربي حبة الكيوي في الخلاط وضيفي ليها ملعقتين أو 3 من مسحوق قشر الليمون وقلبيهم مع بعض كويس، بعدين ضعي الخليط على وجهك لمدة 10 دقايق واغسليه بميه فاترة.

الماسك بيعيد الشباب للبشرة الجافة، وبيحفز من انتاج الكولاجين المهم لصحتها ونضارتها.

 

2- الخيار وقشر الليمون:

افرمي خيارة واستخلصي منها العصير وضيفيله ملعقة من عصير الليمون وملعقة من قشره، ضعي الخليط على وجهك لمدة من 10 لـ 15 دقيقة، بعدين اغسليه.

الماسك ده بيحافظ على ترطيب البشرة خصوصا في فصل الصيف.

 

3- مسحوق خشب الصندل وقشر الليمون:

اخلطي ملعقتين من المسحوق مع ملعقة من عصير الليمون وملعقتين مسحوق قشر الليمون، وضيفي ليهم ملعقة حليب وقلبيهم مع بعض كويس، ضعي الخليط على وجهك لمدة من 10 لـ 15 دقيقة، بعدين اغسليه.

الماسك بيساعد على التخلص من البقع الداكنة واي شوائب بالبشرة.

 

4- قشر الرمان والليمون:

جففي  قشر الرمان تحت اشعة الشمس، بعدين اطحنيه، خدي منه ملعقتين وضيفيلهم ملعقة من مسحوق قشر الليمون وشوية حليب، اخلطي الماسك لحد لما يبقى سميك، ضعيه على وجهك من 10 لـ 15 دقيقة، بعدين اغسليه بميه دافية.

الماسك بيسبب ان بشرتك تبقى شباب وخالية من التجاعيد.

 

5- العسل وقشر الليمون:

اخلطي 5 ملاعق من العسل مع 3 ملاعق من مسحوق قشر الليمون، ضعي الخليط على وجهك لمدة 10 دقايق، بعدين اغسليه. 

الماسك بيعمل على التخلص من الحبوب والشوائب الموجودة على البشرة، وازالة البقع الداكنة والندبات، وبيرطبها بعمق.

 

اقرئى ايضا
روتين العروسة.. ماسكات طبيعية لبشرتك تستعدي بها قبل الفرح

ماسك الشوكولاتة والبرتقال لمنع جفاف البشرة

6 عادات خاطئة تضر ببشرتك.. تجنبي فعلها


قولى رأيك

تابعنا علي فيسبوك