اكلات ممنوعة على مرضى ضغط الدم

بواسطه علياء المحمدى | السبت , 9 يونيو 2018 ,7:50 ص

اكلات ممنوعة على مرضى ضغط الدم


اكلات ممنوعة على مرضى ضغط الدم، مريض ضغط الدم بيبقى له نظام غذائي معين، ساعات كتير بيتخيل ان اخطر حاجة عليه هي الاملاح وبس، لكن في اكلات تانية خطر جدًا على مريض الضغط ممكن يأذي بها نفسه وهو مش عارف، علشان كده لهلوبة بتعرفك على الممنوعات دي لو كنت من اصحاب مرض ضغط الدم علشان نحذر منها.

- الخبز:

العيش فيه مادة الصوديوم اللي موجودة في الملح، وبتفرق في نوع العيش المستخدم، ومن الممكن ان شريحة واحدة يبقى فيها 230 مللي جرام صوديوم.

- اللحوم الحمرا والمصنعة:

سواء طازة او محفوظة زي الهوت دوج وغيره وحتى الفراخ،  بيبقى فيهم مواد بتساعد على تخزين السوايل في الجسم وده بيزود ضغط الدم في الجسم.

-البيتزا:

البعد عنها مفيد مش بس على مستوى الرشاقة، لكن كمان على مستوى صحة القلب والدورة الدموية، لان مكوناتها بيبقى فيها صوديوم كتير ومواد تتعب مرضى ضغط الدم.

- الشوربة:

لو متخيل انها صحية تبقى غلطان لان طبق شوربة فراخ صغير ممكن يبقى فيه حوالي 1000 مللي جرام صوديوم خصوصًا لو هى جاهزة والافضل اننا نعملها بنفسنا ونراعي المكونات الموجودة فيها.

- المخللات:

المفروض ان معروف عنها انها من الممنوعات لمرضى الضغط لانها مصنعة اساسًا من ملح، والغرفة الواحدة منها بيبقى فيها حوالي 300 مللي جرام صوديوم.

- صوصات السلطة:

السلطة صحية ومفيدة ومفيش منها ضرر الا لو بدأنا نضع عليها صوصات مركبة مليانة مايونيز وكاتشب وغيرهم من منتجات، الاحسن نستبدل الحاجات دي بالخل وزيت الزيتون.

 

موضوعات متعلقة:

9 أسباب تؤدي للإصابة بالضغط المرتفع و5 طرق للعلاج

اعراض انخفاض الضغط

علاج الضغط المنخفض بطرق طبيعية بسيطة

اعراض الضغط المرتفع الصداع ونزيف الأنف من بينهم

اسباب الضغط المنخفض الأنيميا ومشاكل الغدة الدرقية من بينهم


قولى رأيك

تابعنا علي فيسبوك