لقاء الخميسي تهاجم ريهام سعيد والاخيرة ترد بقوة.. ماذا حدث؟

بواسطه هند جمال | الجمعة , 4 ديسمبر 2020 ,10:27 ص

لقاء الخميسي تهاجم ريهام سعيد والاخيرة ترد بقوة ماذا حدث


هاجمت الفنانة لقاء الخميسي بشدة ما حدث في حلقة برنامج "صبايا الخير" والذي تقدمه الإعلامية ريهام سعيد ويذاع على قناة النهار، والخاصة بصيد الثعالب.

حيث كتبت لقاء على حسابها الرسمي بموقع التواصل الاجتماعي "إنستجرام" قائلة: "الرحمه الرحمه الرحمه يا بشر، ده مش مقبول إطلاقا كفعل ولا إنه يتعرض على الشاشة، الحيوان بيخاف ويتألم، ليه يبقى ده فعل عادي ليه، علّشان إيه؟!، الرحمة يا بشر مع الإنسان ومع الحيوان وكل كائن حي، الرحمة علينا".

لترد عليها ريهام سعيد قائلة: "نكذب على الناس ونوريهم طريقة صيد غلط؟، طب الحمد لله إن احنا اكتشفنا أنهم بيتعذبوا كده، وبطلي تلبسي جاكتات بالآلاف عشان يبطلوا يصطادوا الحيوانات دي، وعلى فكرة أنت بتاكلي حمام وهو بينضرب بالنار وبتطلعي سمكة من المية وبتشوفيها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقة صيد مؤلمة".

وأضافت ريهام: "الإعلام دوره العرض، أي حاجة وأي مهمة بسلبياتها وإيجابيتها، إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه إنك بتشجعي القتل، هو الغريب إني المفروض زميلة وأنك تنتقديني ده غير مسموح، وبعدين أنا متأكدة إنك ماتفرجتيش على الحلقة، الدنيا دوارة على فكرة، إن شاء الله البرنامج يكون سبب في إن الظاهرة دي تقف، لأن الناس دي معاها تصاريح، المهم هنا إني عمري ما كنت أعرف أنك مهتمة بالتليفزيون، أول مرة أشوفك حاطة بوست انتقاد على أساس مفيش حاجة خالص تنتقد غيري، معلش أنا مقدرة، خلي بالك عشان كله بيرجع".

وبدورها ردت لقاء الخميسي على كلمات ريهام سعيد قائلة: "أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي، فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح "لا لتعذيب الحيوان أو أي كائن حي" بأي وسيلة ونشرها وعرضها على الملأ، ياريت ماندخلش في تفاصيل ماتخصناش، كلامي عن المحتوى الغير مناسب وغير مقبول لأيّ ما كان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان".

وقد تعرضت الاعلامية ريهام سعيد لانتقادات لاذعة بسبب حلقة صيد الثعالب، مما اضطر قناة النهار إلى الاعتذار عن الحلقة وحذفها من كافة المنصات الالكترونية.

موضوعات متعلقة:

لقاء الخميسي تعلن عن مفاجأة جديدة من نوعها ما الحكاية؟

الأعلى للإعلام يقرر عودة برنامج ريهام سعيد ولكن بشروط معينة ما الحكاية؟!

ريهام سعيد بلوك جديد يعرضها للانتقاد!

ريهام سعيد ترد على تشبيهها بوفاء الكيلاني تعليق مفاجئ!


قولى رأيك