عمر كمال يرد بقسوة على سخرية الجمهور من شكله قبل الشهرة.. هل الفارق كبير؟

بواسطه روضة إبراهيم الأربعاء , 2 ديسمبر 2020 ,11:04 ص

عمر كمال يرد بقسوة على سخرية الجمهور من شكله قبل الشهرة.. هل الفارق كب


تداول رواد مواقع التواصل الاجتماعي، صورة لمطرب المهرجانات عمر كمال قبل الشهرة، وظهر فيها بوزن زائد وبملامح مختلفة قليلًا عما يظهر به حاليًا، ليقارن المتابعين بين شكله قبل وبعد الشهرة، ليكون محل سخرية وتنمر من الجميع.

الجمهور يسخر من شكل عمر كمال قبل الشهرة

ليقرر بعدها عمر كمال نشر صورة له قبل الشهرة وبعدها، عبر حسابه الشخصي على موقع التواصل الاجتماعي "فيس بوك"، ويرد بقوة على كل من سخر منه، قائلًا: "كل ما أحط بوست وممكن الناس تشوف بعينها عشان محدش يقول ده بيحور وبيعمل بوست وتريند ألاقي ناس كتيرة حطالي صورتي اللي ع اليمين ف الكومنتات من باب السخرية، حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية".

وتابع عمر كمال: "فعايز أرد عليهم وأقولهم والله الحمد لله على شكلي في جميع مراحل حياتي ودي حاجة أنا مش بتكسف منها وأديني نزلت الصورة أهو للناس في بوست عشان تشوفها ومش مكسوف، والصورة اللي ع اليمين دي لإنسان كان معندهوش رفاهية إنه يروح للدكتور يتابع معاه رجيم أو يروح للجيم أو حتى عنده وقت يفكر في شكله، إنسان كان كل همه يشوف السرير بعد يومه الطويل عشان يصحى ليوم تاني أصعب".

واستكمل حديثه بقوة: "مش مهم كنت إيه المهم بقيت إيه، اشتغلت على نفسي وبكرم وفضل ربنا اشتغلت الحاجة اللى بحبها، وركبت العربية اللي بحلم بيها وكونت نفسي، وعملت وضع واسم لنفسي وربنا جعلني سبب في إني شايل مسؤولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي".

واختتم عمر كلامه: "أشك لو أنت إنسان عندك حاجة مفيدة في حياتك تعملها أو عندك هدف في حياتك إن يبقى عندك وقت تدور على صور حد وتسخر منه، صدقني الحياة مفيهاش وقت تضيعه في الكلام ده، شوف حاجة أفيد واعملها".

والجدير بالذكر أن عمر كمال كان قد نشر صورة مع والدته لأول مرة، خلال الساعات الماضية، بمناسبة عيد ميلادها، وكانت المفاجأة للجمهور أنها منتقبة.

وكان المطرب الشاب قد طرح مؤخرًا أغنية جديدة بعنوان "فى قلبى مكان"، بشكل جديد، بعيدًا عن شكل أغاني المهرجانات الشعبية، التى اعتاد على الظهور من خلالها مؤخرًا، والأغنية من كلمات محمود عليان، وألحان خالد غريب، وتوزيع حسام سعيد، ومن إخراج أحمد رأفت.

 

موضوعات متعلقة:

عمر كمال يفتح النار على سعد الصغير ويرد على انتقاداته تاريخك كله ميجيش مشاهدات أغنية واحدة بتاعتنا

عمر كمال يظهر مع والدته لأول مرة ومفاجأة لم يتوقعها الجمهور!

شاهد مشاجرة حادة وتكسير في حفل حسن شاكوش وعمر كمال

أول تعليق من عمر كمال بعد مشاجرات حفل لبنان والإبراشي يسخر من كلامه


قولى رأيك

تابعنا علي فيسبوك