اتعرفي على ملكة الظلام السودانية
بواسطه علياء المحمدى الثلاثاء , 1 أغسطس 2017 ,1:08 م
.png)
"أنتي أكتر من جميلة وحبي لكي لا يقارن لأنك أنا." بالكلمات دي وصفت "نياكيم جاتويتش" أو الملقبة بملكة الظلام نفسها، وهي عارضة عندها 24 سنة من جنوب السودان بتعلم البنات السمرا انهم يحبوا نفسهم ويفتخروا بلون بشرتهم.
وبالرغم من ان سمارها كان مثار للانتقاد قبل ما شغلها كعارضة الا انها حاليًا بتعمل ثورة في عالم الموضة ومقاييس الجمال بسبب لون بشرتها الغامق والنادر جدا.
وسنة 2016 في سواق تاكسي اقترح عليها انها تعمل تبييض أو تفتيح للبشرة لأنها بالشكل ده مش جميلة، وقتها هي ردت بابتسامة، وبعدها عرفت نفسها للناس على انها موديل مختلفة وجمالها نادر.
كتبت "نياكيم"، على صورة من صورها في انستجرام ان لونها اللي بيشبه الشيكولاتة يعتبر أناقة، وبيعبر عن أصلها الأفريقي وانها من بلد محاربة وشجاعة.
وهي بتعتبر مثال يشجع بنات كتير ويزود ثقتهم في نفسهم خصوصا اللي ليهم نفس لون بشرتها واللي ممكن يكونوا بيواجهوا مشاكل بسببه، وبرغم انها لسه بتتعرض للانتقادات من بعض الناس حتى انهم اطلقوا عليها لقب "ملكة الظلام"، لكنها بتتقبل الكلام بروح رياضية وبتقول ان جلدها بيمتص أشعة الشمس ودي قدرة سحرية بيفتقدها ناس كتير.
موضوعات متعلقة:
أجمل إطلالات الملكة رانيا على انستجرام.. تجعلك تفتخرين بعروبتك
خدى فكره
