خدعة صغيرة بالماسكارا هتتقل رموشك

بواسطه علياء المحمدى | السبت , 19 أغسطس 2017 ,7:48 ص

خدعة صغيرة بالماسكارا هتتقل رموشك


الهدف الأساسي من الماسكارا هو تتقيل الرموش وتديها كثافة اكبر علشان تبين العين وتزيد جمالها، لكن لو حاسة ان بتاعتك مش عاملة مفعول كفاية، لهلوبة بتقولك تقدري تعملي خدعة بسيطة وتزودي كثافة رموشك.

والخدعة دي مش محتاجة  أي حاجات إضافية ولا رموش صناعية، كل اللي عليكي انك تمرري الفرشاة بتاعت الماسكارا على رموشك بالعرض والطول بالتتابع، وبالطريقة دي هتلاقي الرموش بقى شكلها أتقل وبارزة أكتر مش بس كده، كمان اي كلكعة من الماسكارا هتروح مع الطريقة دي. 

ولو مش حاسة بفرق كبير من الخدعة دي ممكن تجربي حاجة تانية، هي انك بعد أول طبقة ماسكارا، تستخدمي قطنة صغيرة مغموسة في البيبي بودر وتمسحي بيها على رموشك من الأمام والخلف وبعدين ضيفي طبقة تانية من الماسكارا، الطبقة الأولي من الماسكارا هتجعل البيبي بودر تلزق عليها وتدي سمك أكبر للرموش، والطبقة التانية هتعزز ده وتغطي لون البيبي بودر بلون أسود يظهر الرموش أتقل بشكل طبيعي. 

 

موضوعات متعلقة:

9 وصفات طبيعية لتطويل الرموش وتكثيفها

احذري من رج الماسكرا

وصفات طبيعية لتكثيف الرموش وتطويلها

الطريقة الصحيحة لازالة الرموش الصناعية


قولى رأيك

تابعنا علي فيسبوك