ماسكات الليمون لتفتيح منطقة البكيني

بواسطه علياء المحمدى | الجمعة , 4 أغسطس 2017 ,7:19 ص

ماسكات الليمون لتفتيح منطقة البكيني


منطقة البكيني من المناطق اللي بتغمق في لجسم بسرعة نتيجة الحر والتغطية المستمرة، وعلشان اللون الغامق ده ممكن يحرج البنات ويحسسهم بالضيق، لهلوبة هتقولهم على ماسكات الليمون البسيطة والسريعة اللي بتفتح منطقة البكيني وتخليها منتعشة.

والليمون تحديدا مفيد للجلد جدا مش بس للتفتيح، لكن كمان لشد الجلد وتجديد خلاياه وكمان الفيتامينات والعناصر اللي في الليمون ببتحميه من الأمراض.

 

- الماسك الأول:

نعصر ليمونة ونغمس في العصير قطنة نضيفة، وبيها ندهن منطقة البكيني، ونسيب العصير على الجلد لحد ما ينشف وبعدها نشطفه بالميه.

وعلشان تتفادي الجفاف اللي ممكن يسببه الليمون وهو بيبيض ويطهر، ادهني مرطب بعدها او زيت طبيعي زي زيت اللوز.

 

- الماسك التاني:

نخلط من 2 – 3 معلقة زبادي مع نفس الكمية من عصير الليمون، ونفرد الخليط ده على الجلد، ونسيبه 20 دقيقة قبل ما نشطفه بالميه.

الزبادي هيقوم بعمل المرطب في الوقت اللي فيه الليمون بيفتح اللون وكمان هيغذي البشرة. 

 

اقرئى ايضا
روتين العروسة.. ماسكات طبيعية لبشرتك تستعدي بها قبل الفرح


قولى رأيك

تابعنا علي فيسبوك