فيديو جديد يكشف السر وراء دفع باسم سمرة لمحمد رمضان في أحد الأفراح

انتشر مقطع فيديو جديد على مواقع التواصل الاجتماعي، يكشف بداية الاشتباك الذي وقع بين الفنان باسم سمرة ومحمد رمضان، أثناء وجودهما في أحد أفراح الشعبية.

وظهر باسم سمرة في مقطع الفيديو الجديد، أثناء محاولته الحديث مع محمد رمضان، ولكن الحارس الشخصي للأخير منعه بطريقة غير لائقة، ليشعر "سمرة" بعدها بالغضب فيما يبدو، مما جعله يدفع "رمضان" بعد ذلك، كما ظهر في الفيديو المتداول.

وبعد انتشار مقطع الفيديو الأول، قام باسم سمرة بالاعتذار عن الموقف، وأوضح أنه لم يكن يقصد دفع "رمضان" بالأخص، وكل ما في الأمر أنه حاول المرور وسط الزحام الشديد.

وبعدها علق الفنان محمد رمضان، في حواره مع الإعلامي وائل الإبراشي، قائلًا: "أنا شوفت الفيديو وأخدت بالي وقتها إنه مكنش في وعيه، وباسم أخويا وصاحبي وحبيبي، لأنه لو كان في وعيه كانت إيدي الشمال جاهزة"، في إشارة منه إلى أنه كان سيرد عليه بالضرب.

وبعد إهانة "رمضان" لـ"سمرة" على الهواء مباشرة، رد الأخير على من خلال مداخلة تليفونية مع برنامج "الحكاية" مع الإعلامي عمرو أديب، قائلًا: "أنا مقدرش أرد عليه أنا ابن ناس ومتربي، أنا بدعوه لفيلم 10 دقائق روائي قصير للتمثيل ببطولة مشتركة مع رمضان الموهوب، هو ده ردي بس".

وأضاف: "أنا بحب رمضان واشتغلنا سوا قبل كده، بس معرفش الشيطان سايقه، كنت محتضنه وكان زي اخويا ومعرفش إيه الهبل اللي بيقوله ده، أنا أقول إيه لأمي وبناتي بالهبل اللي بيقولوا، ما تصحى يا ابني لنفسك، أنت بتقول نمبر وان وأنا هوريك، تعالى مناظرة وسيب الجمهور هو اللي يحكم بينا، لكن ميطلعش على التلفزيون يقلل مني ويشتمني خاصة إذا كان عيل صغير".

موضوعات متعلقة:

بعد الخلافات جلسة صلح بين محمد رمضان وباسم سمرة ماذا حدث فيها؟

محمد رمضان يتهرب من مواجهة باسم سمرة في فيلم قصير تعرف على مبرره!

هاني شاكر يعلق على أغنية محمد رمضان الجديدة ويدخل في موجة ضحك هستيري

باسم سمرة يرد على محمد رمضان بعد هجومه عليه ايه الهبل اللي بتقوله ده أنا هوريك