اخطاء في التعامل مع طفلك الرضيع

بواسطه شيرين مصطفى | الخميس , 12 أكتوبر 2017 ,10:10 ص

اخطاء في التعامل مع طفلك الرضيع


الامومة من اصعب المسؤوليات، وخصوصا في السنة الاولى لان طفلك مش عنده القدرة على الكلام ولسه مفيش طريقة تقدري تتوصلي بيها معاه، علشان كده في اخطاء بتعمليها في الفترة دي لازم تتجنبيها ومن ضمنها:

1- البكاء بصوت عالي:

سيبي طفلك يبكي براحته، لان اوقات كتير بيكون وسيلة اتصال الرضع، ولو حاولتي منعه ده ممكن يؤدي لمضاعفات نفسية عنده.

 

2- البزازة او الببرونة:

حاولي تقللي من ترضيع طفلك بيها، خصوصًا لو كانت اسنانه بتبدي تنمو، لان زجاجات الرضاعة ممكن تعمل التواء فيها وتسبب تشوه للفكين.

 

3- الخناق بصوت عالي:

ابعدي عن الجدال مع شريك حياتك قدام طفلك، حتى لو كان لسه في مرحلة الرضاعة، في دراسات كشفت ان ده بيؤدي لاضطرابات نفسية عنده.

 

4- تجاهل بعض الأعراض الخطيرة للطفل:

زي انه بيعطس كتير او مش بيرضع كويس، ده من الاخطاء الخطيرة، ولازم اول ما تلاحظي حاجات زي كده تستشيري الدكتور على طول.

 

5- مش كل نصيحة تاخدي بيها :

كل النصايح المتعلقة بالامومة ممكن تكون غير موثوقة، ولازم الكلام يكون بالادلة وخليكي عارفة انتي اكتر واحدة عارفة وفاهمة طفلك الرضيع.

 

موضوعات متعلقة:

حقيقة ضرر عين الطفل الرضيع من الضوء القوي

خطورة تقبيل الطفل الرضيع من الأهل

مخاطر تقبيل الأطفال الرضع من الفم

نصائح لتنظم نوم رضيعك في رمضان


قولى رأيك

تابعنا علي فيسبوك