حاجات قبل النوم بتزود الوزن

بواسطه رضوى الشاذلى | الإثنين , 4 سبتمبر 2017 ,9:08 ص

حاجات قبل النوم بتزود الوزن


فى عادات كتيرة بنعملها قبل النوم، واللى بيكون ليها تأثير سئ جدًا على صحتنا وكمان بتزود الوزن، لكن لو عايزة تحافظى على وزنك ومتكسبيش كيلو جرامات زيادة، يبقى أفضل حاجة تسمعى النصايح اللى جاية وتجربيها عشان تحافظى على رشاقتك.

 

1- النوم فى ساعات متأخرة من الليل، مش بس بينعكس على صحتنا بالسلب، لأ كمان بيكون سبب مباشر فى زيادة الوزن، وكمان الأطباء بيأكدوا انه من الضرورى تنامى ما بين 7 إلى 9 ساعات يوميًا لأن أقل أو أكتر من كده بيكون سبب فى السمنة.

 

2- النوم بعد العشا مباشرة، بيكون سبب فى تراكم الدهون وكمان نسبة الحرق بتقل تمامًا وبيجعل فرص زيادة الوزن أكبر من المعتاد.

 

3- من المعروف ان أكل الحلويات عمومًا بيزود الوزن، بس قبل النوم تحديدًا الفرصة بتزيد أكتر بتسبب تراكم الدهون فى الجسم بشكل كبير، عشان كده بلاش تختارى حلويات، أو أكلات فيها نسبة سكر عالية.

 

4- البطاطس المحمرة أو السمبوسك من ضمن الوجبات اللي كتير مننا بيعتمد عيها كوجبة قبل النوم، وعلى الرغم من انها تبدو خفيفة الا ان المقليات بشكل عام بتزود الوزن، وبتأذى الصحة بشكل عام.

 

5- من ضمن الأخطاء كمان اللى بنعملها، هو شرب المشروبات الغازية اللي بتزود الوزن، ومن الأفضل الامتناع عنها بشكل نهائيًا لأنها مؤذية، لكن لو هتشربيها يبقى من الأفضل تكون فى ساعات الصباح الأولى مش قبل النوم مباشرة. 

 


قولى رأيك

تابعنا علي فيسبوك